Бизнес эрхлэгч, ажил олгогчдын хувьд дараах ур чадварыг эзэмшсэн ажиллах хүчнийг олж чадахгүй, толгойгоо гашилгаж байна. Хэрэв та эдгээр технологийн ур чадварыг эзэмших аваас танд маш том давуу талыг үүсгэнэ гэдгийг судалгаа харуулжээ. Мэдлэг мэдээллээ дээшлүүлэх, тусгай мэргэшлийн хичээлүүдэд хамрагдах боломжтой Udemy платформ сайт дээр хамгийн эрэлттэй байгаа ажил мэргэжлүүд, тэр дундаа эзэмшсэн байх шаардлагатай технологийн ур чадваруудыг судлаад үзэхэд дата мэдээллийн шинжлэх ухаан, AI буюу хиймэл оюун ухаан, веб хөгжүүлэлтийн React, Angular, cloud computing болон IT-ийн бусад ур чадварын сертификатууд буюу AWS, CompTIA, Docker зэргийг онцлохоор байжээ.

  1. Python – софтвейр буюу програм хөгжүүлэлт, дэд бүтцийн менежмент, дата анализын шатанд ашигладаг програмын хэл юм.
  2. React (web) – Хэрэглэгчдийн interfaces-ыг бий болгодог JavaScript номын сан гэж болно. Өдгөө Facebook болон хэд хэдэн бие даасан хөгжүүлэгчид, компаниуд эзэмшдэг. React-ыг ашиглаж, нэг хуудас юмуу мобайл аппликейшны хөгжүүлэлтийн суурь үндсийг хийдэг.
  3. Angular – Javascript дээр суурилсан нээлттэй эх сурвалжийн front-end вэб. Одоо алдарт Google компаний Angular багийнхан эзэмшдэг.
  4. Machine learning – Алгоритмчлэл болон статистикийн моделиудын шинжлэх ухааны судалгаа юм. Уг чиглэлээр судалж, ур чадвар эзэмшсэнээр AI буюу хиймэл оюун ухааны чиглэлээр ажиллах боломжтой.
  5. Docker – Уг нээлттэй source платформ нь програмын багцуудыг гаргахад ашиглагддаг. Өөр хоорондоо тусдаа байрших програм, дата сан, тохируулгын файлууд гэсэн үг.

Бусад онцлууштай технологийн ур чадварууд гэвэл Django, CompTIA, Amazon AWS, Deep Learning, React Native (mobile) зэргийг нэрлэж болохоор байна.

Таны бизнесийн зөвлөх – STARTUP TERMINAL